پەیەدە نەشیایە کارێن باش بۆ عەفرینی بکەت

بەرپرسێ پەیوەندیێن دەرڤە یێن پارتییا یەکیتییا دیمۆکرات پەیەدێ ل رۆژئاڤایێ کوردستانێ راگەھاند؛ ئەو وەکو پەیەدە نەشیاینە ژ روویێ دبلۆماسی و سیاسی ڤە کارێن باش بۆ عەفرینی بکەن، کارێن وان کرین ژی نەشیان رێ ل بەر داگیرکرنا عەفرینێ بگرن.
سالح موسلم بۆ مەدیایا نێزیک حزبا خوە راگەھاند؛ ئەو نەشێن بێژن بۆ عەفرینێ کارەکێ باش ھاتیە کرن، گەر ئەو شیابان ژ روویێ سیاسی و دبلۆماسی ڤە کارەکێ باش کربا و بەرھەڤیێن وان ب ھێز بانە، رەنگە کارەکێ باشتر ھاتبا کرن، لی ئەو نشیان رێ ل بەر داگیرکرنا عەفرینێ بگرن.
سالح موسلم گۆت ژی: مەزنترین کارێ وان نھا رزگارکرنا عەفرینێ و بەرسینگگرتنا گەفێن تورکیایە، ھیڤیا وان ژی ئەوە خەلکێ عەفرینێ ڤەگەریتە مالێن خوە و نھا ئەو کار بۆ وێ یەکێ دکەن.