گەلێ کوردستانێ پشت ب تاکەهێزا خوە یا راستەقینە بەستییە
سه‌رۆکوه‌زیرێ هه‌رێما کوردستانێ جه‌ژنا سه‌رسالێ ل هه‌موو کوردستانییان پیرۆز کر و دوپاتی ل پێکڤه‌ژیانا پێکهاته‌یێن نه‌ته‌وه‌یی و ئۆلی کر.
نێچیرڤان بارزانی، سه‌رۆکێ حکومه‌تا هه‌رێما کوردستانێ د په‌یامه‌کێ دا راگه‌هاند: هیڤی یه، سالا نوو هه‌لگرا هه‌موو خێر و خۆشییان بۆ گه‌لێ کوردستانێ بیت، وی گه‌لێ یێ کو زێده‌باری قه‌یران و شه‌ر و نه‌خوه‌شییێن سالێن بووری به‌ڕه‌ڤانی ل فره‌ره‌نگییا خوه یا نه‌ته‌وه‌یی و ب تایبه‌ت ئۆلی کری.
سه‌رۆکوه‌زیر بارزانی دا زانین ژی: هه‌رچه‌نده پڕانییا کوردستانییان موسلمانن، لێ ئه‌ڤ یه‌که نه‌بوویه رێگر ل جه‌ژن و پیرۆزیێن ئۆلێن دی یێن کوردستانێ و نها پێکڤه‌ژییانا پێکهاته‌یێن کوردستانێ نموونه‌یه‌کا به‌رچاڤه ل ته‌ڤاهییا رۆژهه‌لاتا ناڤاین.
نێچیرڤان بارزانی هه‌روه‌سا دیار کر: گه‌لێ کوردستانێ د هه‌لبژارتنێن بووری یێن ئیراق و هه‌رێما دا، دوباره پشتا خوه ب تاکه‌هێزا خوه یا راسته‌قینه به‌ستی.
گۆت ژی: حکومه‌تا نوو دێ ب هه‌موو ڕێیان و د هه‌موو بیاڤان دا بزاڤا پێشڤه‌چوونێ که‌ت، دا کو بمینیت خوه‌دان باوه‌رییا گه‌لێ کوردستانێ، یێ کو زێده‌باری هه‌موو قه‌یرانان ئیراده‌یا خوه ژ ده‌ست نه‌دای.
