نووچه
هه‌رێما كوردستانێ.. پتری ملیۆن قوتابییان پشكداری ئه‌زموونان دبن
ئه‌زموونێن وه‌رزێ ئێكێ ئه‌ڤرۆ ل سه‌رانسه‌ری هه‌رێما كوردستانێ ده‌ستپێكرن و پتری ملیۆن قوتابییان دێ پشكداری ئه‌زموونان بن.
ئه‌ڤرۆ رۆژا دوشه‌مبێ ل سه‌رانسه‌ری هه‌رێما كوردستانێ و ب پشكدارییا پتری ملیۆنه‌ك و 100 هزار قوتابییان ژ قوناغا چاری بنه‌ره‌تی تا 11ی ئاماده‌یی دێ ئه‌زموونێن وه‌رزێ ئێكێ ده‌ستپێكرن.
وه‌زاره‌تا په‌روه‌ردێ د راگه‌هاندنه‌كێ دا داخواز ژ قوتابییان كرییه، ده‌مێ خوه ب هه‌روه نه‌به‌ن و ژ ئامیرێن ئه‌لكترۆنی دووركه‌ڤن داكو نمره‌یێن باش ب ده‌ستبێخن.
وه‌زاره‌تا په‌روه‌ردێ د به‌شه‌كێ دیێ راگه‌هاندنا خوه دا داخواز ژ كه‌سوكارێن قوتابیان دكه‌ت كو د مال دا بزاڤ بهێنه كرن سه‌قایه‌كێ ئارام بۆ زارۆیێن خوه دابین بكه‌ن و پشته‌ڤانێن بهێز یێن ده‌روونی و په‌روه‌رده‌ییا وان بن.
