پارتی: پشتەڤانیێ ل پشکدارییا ژنان د ھەموو واران دا دکەین
سکرتێرێ مەکتەبا سیاسی یا پارتی دەما پێشوازی ل گرۆپێ ئاشتی یێ ژنێن سەرکردە کری، راگەھاند؛ پارتی پشتەڤانە، ژن د ھەموو واران دا پشکدار ببیت.
ئەڤرۆ فازل میرانی، سکرتێرێ مەکتەبا سیاسی یا پارتییا دیموکرات یا کوردستانێ پێشوازی ل گرۆپێ ئاشتی یێ ژنێن سەرکردە کر، د کۆمبوونا هەردو ئالییان دا گرۆپێ ناڤھاتی پرۆژەیەکێ تایبەت ب کارنامەیێن ژنان بۆ پشکداریا کابینەیا نوو یا حکومەتا ھەرێما کوردستانێ پێشکێشی پارتی کر.
میرانی ژی پشتەڤانییا پارتی بۆ گرۆپێ ئاشتیێ یێ ژنان بۆ پشکدارییەکا کارا د ھەموو واران دا نیشان دا و بەرھەڤییا پارتی ژی بۆ پاراستنا ئاشتەوایی و رێکخستنا ناڤمالا کورد نیشان دا و دوپاتی ل پێکئینانا بلەز یا حکومەتا ھەرێمێ کر.
گرۆپێ ئاشتی یێ ژنێن سەرکردە ژ پرانییا ئالیێن سیاسی و نەتەوەیی و ئۆلی پێک دھێت و ل گۆرەیی راگەھاندنەکا وان، دێ پشتی سەرەدانا خوە یا ئەڤرۆ، سەرەدانا تەڤ ئالیێن سیاسی کەن.
