ئه‌ردۆگانی ژ به‌ر داخوازییا ئه‌مریكا یا پاراستنا كوردان هه‌ڤدیتنا بۆلتۆنی هه‌لوه‌شاند
سەرۆککۆمارێ تورکیا ژ به‌ر داخوازییا ئه‌مریكا یا گه‌ره‌نتیكرنا پاراستنا كوردان ل سووریێ كۆمبوونا د گەل شیرەتکارێ جڤاتا ئاسایشا نشتیمانی یا ئەمریکا ره‌دكر.
رەجەب تەیب ئەردۆغان ئەڤرۆ رەت کریە د گەل جۆن بۆلتۆن کۆم ببیت کو ب سەرەدانەکا فەرمی ل ئەنقەرەبوو و بۆلتۆنی ژی پشتی ره‌دكرنا هه‌ڤدیتنێ، ئێكسه‌ر توركیا ب جهـ هێلا.
لگۆره‌ی مه‌دیایان، ئه‌ردۆگانی ژ به‌ر به‌هانه‌یا ئه‌مریكا یا گه‌ره‌نتیكرنا پاراستنا كوردان ل سووریێ هه‌ڤدیتنا بۆلتۆنی ره‌دكرییه، لێ هێشتا ئه‌مریكا هه‌لوه‌ستێ خوه ل سه‌ر وێ یه‌كێ نه‌راگه‌هاندییه. .
جۆن بۆلتۆن دوھی گەھشتبوو تورکیا و وه‌ها بریاربوو ئەڤرۆ د گەل ئەردۆغان کۆم ببیت پرسا سووریێ گۆتوبێژ بکەت و ب گۆتنا مایک پۆمپیۆیی، وەزیرێ دەرڤە یێ ئەمریکا، بۆلتۆن ب نیاز بوو گرەنتیێ ژ تورکیا وەربگریت کو پشتی ڤەکێشانا ھێزێن ئەمریکا ژ سووریێ ھێرشی کوردێن ل سووریێ نەکەت.
