پێدڤی یه ئه‌مریكا چه‌كی ژ یه‌په‌گێ بستینیت
په‌یڤدارێ سه‌رۆكاتییا توركیا راگه‌هاند: ئه‌مریكا دێ سوپایێ خوه د ناڤبه‌را دو تا چوار مەهان ژ سووریێ ڤه‌كێشیت و پێدڤی یه چه‌كێن داینه یه‌په‌گێ ژێ وه‌ربگریتە ڤە.
ئیبراهیم كالنی د كۆنگره‌یه‌كێ رۆژنامه‌ڤانی دا راگه‌هاند: پێدڤی یه یه‌په‌گه ب ته‌مامی ژ منبجێ بهێتە ڤه‌كێشان و داخوازیا سه‌ره‌كی یا ئەنقەرە ژ ئه‌مریكا ئەوە، کو ئه‌و چه‌كێ دایه یەپەگێ جاره‌كا دی ژێ بهێتە ستاندن.
گۆت ژی: سه‌رۆكۆمار ره‌جه‌ب ته‌یب ئه‌ردۆگانی چ سۆزێن پاراستنا چه‌كدارێن كورد ل سووریێ نه‌داینه و توركیا دێ د بۆئۆپەراسیۆنێن خوە یێن سووریێ دا هه‌ماهه‌نگیێ ل گه‌ل هه‌موو ئالیان كه‌ت، لێ هەڤدەم ژ چ ئالییان ده‌ستووریێ وەرناگریت.
په‌یڤدارێ سه‌رۆكاتییا توركیا باس ل ژڤانا ڤه‌كێشانا هێزێن ئه‌مریكا ژ سووریێ ژی كر و گۆت: ئه‌مریكا دێ د ناڤبه‌را دو تا تا چوار مەهان دا هێزێن خوه ڤه‌كێشیت.
