نووچه
ئاساییشا سلێمانییێ باره‌گه‌هه‌كێ دی یێ په‌كه‌كێ داخست
ئاساییشا سلێمانیێ باره‌گه‌هه‌كێ دی یێ سه‌ر ب پارتییا كاركه‌رێن كوردستانێ، په‌كه‌كێ ڤه داخست و نه‌هـ، ئه‌ندامێن وان ده‌سته‌سه‌ر كرن.
شڤێدی هێزێن ئاساییشا سلێمانیێ ده‌ست ب سه‌ر باره‌گه‌هێ ئه‌كادیمیا ب ناڤێ شه‌هید جیفارا گه‌رمیانی دا گرتییه، كو باره‌گه‌هه‌كێ سه‌ره‌كی یێ په‌كه‌كێ بوو ل ده‌ڤه‌ردارییا كه‌لار یا سنۆرێ ئیداره‌یا گه‌رمیان و ل ده‌مێ داخستنا باره‌گه‌هی، شه‌ڕه‌ده‌ڤ د ناڤبه‌را كارمه‌ندێن ئاسایشێ و ئه‌ندامێن په‌كه‌كێ دا روودایه و ئاسایشێ نه‌هـ كه‌س ده‌سته‌سه‌ر كرینه.
ژ بۆ ئاسایكرنا په‌یوه‌ندییێن ئێكه‌تییا نشتیمانی و كۆمارا توركیا، قوباد تاله‌بانی بریارا داخستنا باره‌گه‌هێن ئالییێن بێ ده‌ستووری دا و د ئێكه‌م گاڤ دا، نێزیكی ده‌هـ باره‌گه‌هێن جودا یێن سه‌ر ب په‌كه‌كێ ڤه ل سنۆرێ سلێمانییێ هاتن داخستن و چالاكییێن وان هاتن قه‌ده‌غه‌كرن.
