دێ ئه‌مریكا وه‌ك سه‌دامی هنێرینه دۆزه‌خێ
رابه‌رێ شۆرشا ئیسلامییا ئیرانێ ئه‌ڤرۆ هێرشێن دژوار كرنه سه‌ر ئه‌مریكا و راگه‌هاند؛ ئیرانێ چه‌وا سه‌دام حسێن هنارته دۆزه‌خێ دێ وه‌سا ئه‌مریكا ژی هنێریته وێرێ.
ئایه‌توللا عه‌لی خامنه‌یی ئه‌ڤرۆ د گۆتاره‌كا جه‌ماوه‌رێ دا دانپێدان كر كو سزایێن ئه‌مریكا لسه‌ر ئیرانێ كارتێكرن ل ئیرانێ و گه‌لێ وێ كرییه و گۆت: ل سه‌ر ده‌مێ سه‌دام حسێنی ژی سزا كه‌فتن سه‌ر ئیرانێ و بوونه ئه‌گه‌رێ بهێزبوونا شیانێن وێ یێن ناڤخۆیی، له‌و ڤێ جارێ ژی سزایێن ئه‌مریكا دێ بنه ئه‌گه‌رێ بهێزبوونێ.
خامنه‌یی هه‌ر د ڤێ ده‌ربارێ دا گۆت: ئه‌و دێ ئه‌مریكا هنێرنه دۆزه‌خێ وه‌ك چه‌وا پێشتر وان سه‌دام حسێن هنارتی.
رابه‌رێ شۆرشا ئیسلامییا ئیرانێ سیاسه‌تا ئه‌مریكا ژی ره‌خنه كر و گۆت: هنده‌ك به‌رپرسێن ئه‌مریكا یێ رۆلێ لێبۆكان دگێرن و ب دیتنا ئیرانێ ئه‌و ئه‌حمه‌ق و ده‌به‌نگێن پله ئێكن.
