بەفر و بارانان چەندین رێ داخستن

بەفر و بارانێن دو رۆژێن بووری ل چەندین دەڤەرێن هەرێما کوردستانێ ئالۆزی د هاتوچوویا دەڤەرێن چیایی دا دروست کرینە و رێیەکا سەرەکی یا د ناڤبەرا هەولێر و سلێمانیێ دا هاتییە گرتن.
پێلا بەفر و بارانێ دوهی پڕانییا دەڤەرێن هەرێما کوردستانێ ب خوەڤە گرتن، ل سنۆرێ پارێزگەها دهۆکێ، بەفر ل سنۆرێ دەڤەردارییا ئامێدیێ ب تایبەت، ل سنۆرێ ناوچەدارییا کانی ماسێ باری و هاتوچوویا ترومبێلان ل وان دەڤەران زەحمەت بوو.
هەڤدەم ل دەڤەرێن چیایی یێن سنۆرێ پارێزگەها هەولێرێ و هەروەسا سنۆرێن سلێمانیێ، بەفر و باران بوونە ئەگەرێ داخستنا چەندین رێیێن سەرەکی و رێیا سەرەکی یا هەولێر سلێمانی ل کۆیێ ژ ئەگەرێ بلندبوونا ئاستێ سکرێ سماقۆلی، هاتییە گرتن.