عەبدولمەهدی سۆزا چارەکرنا کێشەیان دا هەرێمێ

سەرۆکوەزیرێ ئیراقێ و جێگرێ سەرۆکێ پەڕلەمانی دوهی ل بەغدا کۆم بوون و عەبدولمەهدی سۆزا چارەکرنا کێشەیێن هەولێر و بەغدایێ دا.
نڤیسینگەها راگەهاندنا بەشیر حەداد، جێگرێ سەرۆکێ پەڕلەمانێ ئیراقێ د راگەهاندنەکێ دا ئاشکرا کر؛ بەشیر حەداد دوهی ل گەل عادل عەبدولمەهدی، سەرۆکوەزیرێ ئیراقێ کۆم بوو و د کۆمبوونێ دا بەحسێ چارەکرنا کێشەیێن هەولێر و بەغدا هاتییە کرن، ب تایبەت کێشەیێن گرێدایی بودجەیا هەرێمێ و دەڤەرێن کوردستانی یێن دەرڤەی ئیدارەیا هەرێمێ.
د راگەهاندنێ دا هاتییە ژی، عەبدولمەهدی سۆز دایە کێشەیێن هەولێر و بەغدا چارە بکەت و بزاڤان بکەت مووچەیێ فەرمانبەرێن هەرێمێ و پێشمەرگەی، ژ هەڤڕکیێن سیاسی دوور بکەت.