سێشەمبیێ بودجە دێ کەڤیتە بەر دەنگدانێ
ب گۆتنا سەرۆکێ پەرلەمانێ ئیراقێ، گەر کارێ راستڤەکرنێ یێ لژنەیا دارایی ب داوی ھات، د روونشتنا بھێت پا پەرلەمانی دا دێ پرۆژەقانوونا بودجەی کەڤیتە بەر دەنگدانێ.
پەرلەمانێ ئیراقێ ئەڤرۆ روونشتنا خوە یا بیست و شەشێ ب سەرۆکاتییا محەمەد حەلبووسی گێرا، تێدا خواندنا ئێکێ بۆ پرۆژەقانوونا ھاتوچوویێ یاکو ھاتییە بەرھەڤکرن ژ ئالیێ لژنەیا ئێمناھیێ و بەرگریێ ڤە، ھەروەسا پرۆژەقانوونا تان لێدانێ د بریار و ئەحکامێن تایبەت ب مولکان ڤە کر.
ل گۆرەیی راگەھاندنەکا پەرلەمانێ ئیراقێ، ل داوییا روونشتنا ئەڤرۆ محەمەد حەلبووسی سەرۆکێ پەرلەمانی، ئاماژ ب پرۆژەقانوونا بودجەیا گشتی یا ئیراقێ یا سالا دوھزار و نۆزدێ کر و دوپات کر: گەر لژنەیا دارایی کارێن خوە یێن راستڤەکرنێ ب داوی ئینان، ل روونشتنا بھێت یا کو بریارە ل رۆژا سێشەمبی ب رێڤە بچیت پرۆژەقانوونا بودجەی بکەڤیتە بەر دەنگدانێ.
