فوئاد حسێن دێ سه‌رۆكاتییا شاندا ئیراقێ بۆ داڤۆس كه‌ت
جێگرێ سه‌رۆكوه‌زیران، وه‌زیرێ ده‌رڤه یێ ئیراقێ دێ پشكداری كۆربه‌ندا ئابۆری یا جیهانی یا سالانه ل داڤۆس بن، هه‌ردویان ژی دێ پانێل د كوربه‌ندی دا هه‌بن.
فوئاد حسێن، جێگرێ سه‌رۆكوه‌زیرێ ئیراقێ بۆ كاروبارێن ئابۆری و وه‌زیرێ دارایی دێ سه‌رۆكاتییا شاندا ئیراقێ كه‌ت بۆ پشكداریێ د كۆربه‌ندا ئابۆری یا جیهانی یا سالانه ل داڤۆس كه‌ت و دوسبه وه‌ك نوونه‌رێ ئیراقێ دگه‌ل هه‌ڤكیفێ خوه یێ سعوودیێ ل دۆر رۆلێ وه‌‌لاتێن ئاسیا و رۆژهه‌لاتا ناڤه‌راست دێ پشكداری پانێله‌كێ بیت.
هه‌ر د هه‌مان رۆژ دا محه‌مه‌د عه‌لی حه‌كیم وه‌زیرێ ده‌رڤه یێ ئیراقێ لدۆر ئاساییشا رۆژهه‌لاتا ناڤین دگه‌ل هه‌ڤكیڤێ خوه یێ ئوردنی پشكداری پانێله‌كێ بیت.
كوربه‌ندا ئابۆری یا جیهانی داڤۆس ئه‌ڤرۆ ل سویسرا ده‌ست ب كارێن خوه كر، لێ چه‌ند سه‌رۆك و سه‌ركرده‌یێن دیار یێن جیهانی پشكداریێ تێدا ناكه‌ن گرنگترینێن وان ژی دۆنالد ترامپه ئه‌وێ كو ژ به‌ر داخستنا پشكه‌كا حكومه‌تا وه‌لاتێ خوه پشكدارییا خوه د كوربه‌ندی دا هه‌لوه‌شاندی.
