په‌رله‌مانێ ئیراقێ ئه‌ڤرۆ دێ بودجه‌یا 2019 په‌سه‌ند كه‌ت
په‌رله‌مانێ ئیراقێ ئه‌ڤرۆ دێ كۆم بیت و ده‌نگی ل سه‌ر پرۆژه‌یا بودجه‌ی و هه‌روه‌ها 2 وه‌زیرێن كابینه‌یا حكومه‌تا فیدرال ده‌ت.
سه‌رۆكاتییا په‌رله‌مانێ ئیراقێ راگه‌هاندییه؛ په‌رله‌مان ئه‌ڤرۆ دێ ل سه‌عه‌ت ئێكی پشتی نیڤرۆ كۆم بیت و 4 ته‌وه‌رێن سه‌ره‌كی د كارنامه‌یا روونشتنێ دانه، گرنگترین ئێك، ده‌نگدانه ل سه‌ر پرۆژه قانوونا بودجه‌یا ئه‌ڤساله، فراكسیۆنێن كوردستانی رژدن برگه‌یا مووچه‌یێن فه‌رمانبه‌ران و پێشمه‌رگه‌ی بێی ده‌ستكاری بهێت په‌سه‌ند كرن.
د روونشتنا ئه‌ڤرۆ دا، په‌رله‌مانێ ئیراقێ دێ باوه‌ریێ ده‌ته هه‌ر یه‌ك ژ وه‌زیرێن داد و په‌روه‌ردێ یێن حكومه‌تا فیدرال، عادل عه‌بدولمه‌هدی ژی هه‌ر یه‌ك دادوه‌ر ئه‌ركان قادر و سه‌فانه حسێن بۆ وان هه‌ردو وه‌زاره‌تان به‌ربژار كرینه.
بودجه‌یا ئیراقێ یا سالا 2019ێ، ب قه‌باریێ 105 ترلیۆن دیناران دهێت ته‌خمین كرن، رێژه‌یا 12.6% ژی بۆ هه‌رێما كوردستانێ هاتییه ده‌ستنیشانكرن.
