نێچیرڤان بارزانی و شانده‌كا دادوه‌ری یا بریتانیا كۆم بوون‌

سه‌رۆكوه‌زیرێ هه‌رێما كوردستانێ دوهی ل گه‌ل شانده‌كا جڤاتا دادوه‌ری یا شاهانه‌یا بریتانیا كۆم بوو و هه‌ماهه‌نگییا دادوه‌ری یا ل گه‌ل هه‌رێما كوردستانێ گۆتوبێژ كر.
نێچیرڤان بارزانی پێشوازی ل شانده‌كا بلند یا جڤاتا دادوه‌ری یا شاهانه‌یا بریتانیا کر و هه‌ماهه‌نگییا د ناڤبه‌را جڤاتا دادوه‌ری یا شاهانه‌یا بریتانیا و جڤاتا دادوه‌ری یا هه‌رێمێ ل گه‌ل گۆتوبێژ كر.
شاندا بریتانیا پشته‌ڤانی خوه‌ بۆ رۆلێ یاسا و دادوه‌رییا هه‌رێمێ و هه‌روه‌ها بهێزكرنا دادگه‌هێن کوردستانێ د وارێ ته‌كنیكی دا نیشان دا.
دیار ژی كر، ئارمانجا وان ژ ڤێ هه‌ماهه‌نگیێ، برێڤه‌برنا باشتر یا كه‌یسێن تیرۆرێ و هه‌روه‌ها سه‌ربه‌خۆییا ده‌ستهه‌لاتا دادوه‌ری و سه‌روه‌رییا یاسایی یه ‌ل هه‌رێما كوردستانێ و ئیراقێ.
ژ ئالیێ خوه‌ ڤه‌، نێچیرڤان بارزانی دیار كر، کو گه‌شبینه‌، ئه‌ڤ گاڤه‌ بوارێ یاسایی و دادوه‌رییا هه‌رێما كوردستانێ به‌ر ب ئاسته‌كێ باشتر ببه‌ت و به‌رهه‌ڤیا خوه‌ ژبۆ هه‌ر ئاسانكارییه‌كێ نیشان دا.