تورکیا: پەیوەندیێن مە د گەل خەلکێ دھۆکێ دێ بەردەوام بن
سەرۆکێ راگەھاندنا سەرۆککۆمارییا تورکیا ل دۆر روودانا دوھی یا شێلادزێ راگەھاند؛ ھێرشبەر چووینە د ناڤا خوەنیشاندەران دا و بزاڤ کرینە ناڤبەرا سەربازێن تورکیا و خەلکێ دەڤەرێ تێکبدەن.
فەخرەددین ئالتون د داخویانیەکێ دا ل دۆر روودانێن شێلادزێ راگەھاند؛ د وان روودانان دا چو زیان نەگەھشتیە ھێزێن وان، ب تنێ چەند کەلوپەل ھاتینە ژناڤبرن، سوپایێ تورکیا ژی رێکارێن ئەمنی ل دەردۆرا بنگەھێ خوە گرتینە بەر.
ئالتون راگەھاند؛ بۆ وان ئاشکرا بوویە کو ئەندامێن پەکەکێ ب رێیا تۆرێن جڤاکی ئاگاھییێن شاش بەلاڤ کرینە کو وان ئەو ھێرش ل سەر بنگەھێ سوپایێ تورکیا کرییە، داخواز ژی ژ ھەموو میدیایان کر ھشیاری وان کارێن پەکەکێ بن.
سەرۆکێ راگەھاندنا سەرۆککۆمارییا تورکیا گۆت ژی: تورکیا پێگیرە درێژیێ ب پەیوەندیێن خوە د گەل وەلاتیێن پارێزگەھا دھۆکێ بدەت، یا د شیان ژی دا بیت بۆ پاراستنا خەلکێ دەڤەرێ دێ کەن.
