سەرۆک بارزانی و شاھـ عەبدوللایێ دویێ کۆم بوون
ل سەر داخوازا فەرمی یا شاھێ ئۆردنێ، سەرۆک مەسعوود بارزانی گەھشتە ئوردنێ و ل گەل شاھـ عەبدوللایێ دویێ کۆم بوو، ھەردو ئالیان، دوپاتی ل پێشڤەبرنا پەیوەندیێن دوقۆلی کر.
ئەڤرۆ ئێڤاری ب سەرەدانەکا فەرمی و ل سەر داخوازا فەرمی یا شاھێ ئۆردنێ، سەرۆک مەسعوود بارزانی ب رێیا فرۆکەخانەیا نێڤدەولەتی یا ھەولێرێ بەرەڤ شاھنشینا ئۆردنێ برێکەڤت و ل عەمانا پایتەخت د رێورەسمەکا سەرۆکاتیێ دا ژ ئالیێ میر فەیسەل برایێ پاشایێ ئۆردنێ ڤە پێشوازی لێ ھات کرن.
ل دووڤ ئاژانسا فەرمییا ئوردنێ ( بەترا ) شاھـ عەبدوللایێ دویێ ل کۆچکا حسینیێە پێشوازی ل سەرۆک بارزانی کر، د وێ ھەڤدیتنێ دا پەیوەندیێن ئیراقێ و ئوردنێ و پێشڤەبرنا ئاستێ ھەماھەنگییا د ناڤبەرا ئوردن و ھەرێما کوردستانێ د ھەموو واران دا گۆتووبێژ کر.
شاھێ ئوردێ پشتەڤانیا وەلاتێ خوە بۆ ئێمناھی و سەقامگیرییا ئیراقێ دا نیشان دا، د تەوەرەکێ دی یێ ئاخفتنا سەرۆک بارزانی و شاھـ عەبدوللایی دا باس ل شەرێ دژی تیرۆرێ هاتە کرن.
ھەر یەک ژ ھشیار زێباری ئەندامێ مەکتەبا سیاسی یا پارتی و عەلی حسێن ئەندامێ سەرکرداتییا پارتی، ھەڤالینیا شاندا سەرۆک بارزانی دکەن.
