میرێ ئێزدییێن کوردستان و جیهانێ وەغەر کر

میر تەحسین بەگ، میرێ ئێزدیێن کوردستانێ و جیهانێ ئەڤرۆ ل وەلاتێ ئەلمانیا وەغەرا داوییێ کر و تەرمێ وی دێ بۆ هەرێما کوردستانێ هێتە رەوانەکرن.
میر تەحسین بەگ، میرێ ئێزدییێن کوردستانێ و جیهانێ و سەرۆکێ جڤاتا رۆحانی یا ئێزدییان ئەڤرۆ ل نەخوەشخانەیەکا باژاڕێ هانۆڤەر یێ ئەلمانیا د ته‌مه‌نێ هەشتێ و شەش سالییێ دا وەغەرا داوییێ کر.
خه‌یری بۆزانی، رێڤه‌به‌رێ گشتی یێ کاروبارێن ئێزدییان ل وه‌زاره‌تا ئه‌وقافا هه‌رێما کوردستانێ دیار کر؛ رەوشا ساخلەمییا میر تەحسین به‌گی به‌ری حه‌فتییه‌کێ گه‌له‌ک تێک چووبوو، چه‌ندین جاران ژی نووچەیێ وەغەرا وی بەلاڤ ببوو، لێ ئەڤرۆ سپێدێ وەغەر کر و تەرمێ وی دێ ل دەمێن بهێن بۆ کوردستانێ هێتە رەوانەکرن.
میر تەحسین ل سالا هزار و نەهسەد و سیهـ و سێیێ ل باعەدرێ ژ دایک ببوو و ژ سالا هزار و نەهسەد و چل و چوارێ، میرێ ئێزدییان بوو.