پێشوازیێ ل رێكارێن حكومه‌تا هه‌رێما كوردستانێ دكه‌ین

وه‌زیرێ به‌رگرییا توركیا راگه‌هاند؛ ئه‌نقه‌ره‌ پێشوازیێ ل رێكارێن حكومه‌تا هه‌رێما كوردستانێ یێن ل دۆر بوویه‌را شێلادزێ دكه‌ت.
خه‌لوسی ئاكار، وه‌زیرێ به‌رگرییا توركیا ل دۆر بوویه‌را شێلادزێ و رێكارێن حكومه‌تا هه‌رێما كوردستانێ گۆت: ئه‌نقه‌ره‌ ب خوه‌شحالی ڤه‌ پێشوازیێ ل كارڤه‌دانێن گشتگیر و رێكارێن بله‌ز یێن حكومه‌تا هه‌رێمێ دكه‌ت، كو د ده‌مه‌كێ كێم دا ئالوزییا شێلادزێ ب داوی ئینا و نه‌هێلا زیان ب هه‌ردو ئالییان بكه‌ڤیت.
حه‌فتییا بووری خوه‌نیشانده‌رێن شێلادزێ ب سه‌ر سه‌ربازگه‌هه‌كا سوپایێ توركیا دا ل كۆمه‌لگه‌ها سیریێ گرت و ئاگربه‌ردایێ، ب وێ ئه‌گه‌رێ سنێله‌یه‌كی ژیانا خوه‌ ژ ده‌ست دا و 11 خوه‌نیشانده‌ر ژی برینداربوون.