ئەڤرۆ 15 سال ب سەر کارەساتا ئێكی شواتێ دەرباز بوون

ئەڤرۆ 15 سال ب سەر کارەساتا ئێکێ شواتێ را دەرباز بوون، یا تێدا ب دەھان سەرکردێن کوردستانێ و پێشمەرگە ب دەستێن تیرۆرستان شەھید بووین.
رۆژا ئێکێ شواتا 2004ێ، تیرۆرستان 2 کریارێن خوەکوژی یێن ھەڤدەم ل بارەگەھێن لقا دو یا پارتی و مەلبەندێ 3 یێ ئێکەتیێ ل باژارێ ھەولێرا پایتەختێ ھەرێما کوردستانێ کرن.
ئەو ھێرش ژ ئالیێ 2 تیرۆرستێن گرۆپێن ئه‌نسارولئیسلام و ئه‌نسارولسونه‌ یێن نێزیكی قاعیدە ڤە ھاتن کرن، تێدا 101 سەرکردە و پێشمەرگە و وەلاتیێن کوردستانێ شەھیدبوون و ب دەھان کەس ژی بریندار بوون.
ئەو شەھیدێن کوردستانێ بۆ پیرۆزکرنا جەژنا قوربانی ل ھەردو بارەگەھێن پارتی و ئێکەتی پیشوازی ل وەلاتییان دکر، دوژمنێن گەلێ کوردستانێ ژی بێ ل بەرچاڤگرتنا چو بەھایێن ئۆلی و مرۆڤاتی ل وێ جەژنا پیرۆز، ب ناڤێ پیرۆزێ ئیسلامێ ئەو 2 ھێرشێن تیرۆرستی کرن.