نووچه
2 سیناتۆرێن ئەمریکی داخوازا پاراستنا کوردان ژ ترامپی دکەن
2 سینتاتۆرێن كۆماری ودیمۆكرات داخواز ژ سەرۆکێ ئه‌مریكا کر، ستراتیژییەکێ ژبۆ پاراستنا ھێزێن کوردی ل رۆژئاڤایێ کوردستانێ و دەڤەرێن دی دارێژیت.
دایین بلاکبێرن، سیناتۆرێ کۆماری و تامی دەکوێرس، سیناتۆرێ دیمۆکرات، نامەیەک بۆ دۆنالد ترامپ، سەرۆکێ ئەمریکا ھنارتییە، تێدا داخواز ژێ کرییە رێ ل بەر چێبوونا شەری د ناڤبەرا ھێزێن کوردی و سوپایێ تورکیا دا بگریت.
ھەردو سیناتۆران ئاشکرا کر، دەستبەردان ژ کوردان و نەبوونا چو رێکاران بۆ رێگرتنێ ل کوشتنا وان، دێ بیتە ئەگەرێ لاوازبوونا ھەڤپەیمانییا ناڤدەولەتی یا دژی داعشێ، ناڤودەنگێ ئەمریکا ژی دێ ھێت تێکدان.
ئاشکرا ژی کر، پێدڤییە ئەمریکا ھەموو رێکارێن دیبلۆماسی بکاربینیت، دا تورکیا ژ کوردان پشتراست بکەت و ب رێیێن ئاشتییانە کێشەیان چارە بکەن.
