نووچه
هێزه‌كا ئه‌مریكی گه‌هشت سه‌ربازگه‌هێن ئه‌نبار
کاروانەکێ هێزێن ئه‌مریكی كو گومان هه‌یه ژ سووریێ هاتبن، گه‌هشتن پارێزگه‌ها ئه‌نبار، ئالاڤ و زریپۆشێن سه‌ربازی ژی د گه‌ل دانه.
ئاژانسا ئه‌نادۆل به‌لاڤكرییه، كاروانه‌كێ هێزێن ئه‌مریكی د 24 سه‌عه‌تێن بۆری دا گه‌هشتییه پارێزگه‌ها ئه‌نبار یا رۆژئاڤایێ ئیراقێ، پشتی ژ سووریێ ده‌ركه‌فتین كو ژ ترومبێل، ئالاڤ و زریپۆشێن سه‌ربازی پێكهاتی بوو.
دیار ژی كر، كاروانێ هێزێن ئه‌مریكی ل سه‌ربازگه‌هێن عه‌ین وه‌لید و عه‌ین ئه‌سه‌د جێگیربووینه.
ویلایه‌تێن ئێكگرتیێن ئه‌مریكا ل داوییا سالا بۆری بریارا ڤه‌كێشانا هێزێ ژ سووریێ دایه، لێ هێشتا ده‌ستپێكرنا ڤه‌كێشانێ ب فه‌رمی نه‌هاتییه راگه‌هاندن.
