سمیناره‌ك لدور ره‌وشا سیاسى و ئابوورى یا هه‌رێمێ هاته‌ سازكرن

محه‌مه‌دسدیق
ئه‌ڤرو ل باره‌گایێ لقێ هه‌شت، سمیناره‌كا هه‌ڤپشك ژلایێ هه‌ر ئێك ژ پروفیسور دكتور عه‌لى ته‌ته‌ر به‌رپرسێ لقێ هه‌شت یا پارتى و هه‌روه‌سا دكتور ئه‌حمه‌د سه‌فار ئه‌ندامێ جڤاتا نوینه‌رێن عیراقێ ڤه‌ لدور ره‌وشا سیاسى و ئابوورى یا هه‌رێما كوردستانێ بو هه‌ژماره‌كا فه‌رمانبه‌رێن میرى و كادرێن پارتى هاته‌ پێشكێشكرن، تێدا به‌رپرسێ لقێ هه‌شت روناهى ئێخسته‌سه‌ر ره‌وشا سیاسیا ده‌ڤه‌رێ و دوماهیك پێشهاتێن وێ و رولێ سه‌ركردایه‌تیا پارتى د پاراستنا ده‌ستكه‌فتاندا، پاشى دكتور ئه‌حمه‌د سه‌فار ئاماژه‌ دا ره‌وشا ئابوورى یا هه‌رێما كوردستانێ و ب تایبه‌ت ئیستیحقاقاتێن هه‌رێمێ یێن د بودجه‌ى دا هاتینه‌ چه‌سپاندن و چه‌واتیا بده‌ستڤه‌ئینانا وان مافان ب ئێكرێزیا لایه‌نێن سیاسى یێن كوردى ل به‌غدا