نووچه
كه‌شتییه‌كا ئه‌لمانی ب ناڤێ ئالان کوردی هات بناڤكرن
كه‌شتییه‌كا ئه‌لمانی د ده‌ریاریا ناڤه‌راست دا ب ناڤێ ئالان كوردی یێ ل به‌راڤێن توركیا خه‌ندقی، هات بناڤكرن.
رێكخستنا سی ئای یا ئه‌لمانی، ئاهه‌نگه‌ك ب هه‌لکه‌فتا بناڤكرنا كه‌شتییه‌كا رزگاركرنا کۆچبه‌ران د ده‌ریایا ناڤه‌راست دا ب ناڤێ ئالان كوردی ل وه‌لاتێ ئیسپانییا ب ئاماده‌بوونا عه‌بدوللا کوردییێ بابێ وی و تیمایا خوشكا وی ساز کر.
بابێ ئالانی دلخوه‌شییا خوه ب بناڤكرنا وێ كه‌شتیێ ب ناڤێ كوڕێ خوه دیار كر و گۆت: پێدڤییه ئالانێ ل به‌ر لێڤا ده‌ریایێ نه‌هێته ژبیركرن.
به‌رییا چار سالان، ئالان كوردی یێ خه‌لكێ كۆبانێ د ته‌مه‌نێ سێ سالییێ دا د گه‌ل دایك و برایێ خوه د ده‌ریایا ئیجه دا خه‌ندقیبوون كو ژ به‌ر شه‌ڕێ سووریا كۆچبه‌ری ئه‌ورۆپا دبوون.
