نێچیرڤان بارزانی و كۆنسۆلێ كوێتێ كۆم بوون
سه‌رۆكوه‌زیرێ هه‌رێما كوردستانێ ئه‌ڤرۆ د گه‌ل كۆنسۆلێ گشتی یێ كوێتێ ل هه‌رێمێ كۆم بوو و گۆتوبێژ ل دۆر په‌یوه‌ندیێن دوقۆلی، ره‌وشا ئاواره‌یان و هاریكاریێن كوێتێ هاتن كرن.
نێچیرڤان بارزانی ئه‌ڤرۆ پێشوازی ل عومه‌ر ئه‌لكنده‌ری، كۆنسۆلێ گشتی یێ كوێتێ ل هه‌رێما كوردستانێ كر و د هه‌ڤدیتنه‌كێ دا، هاریكاریێن كوێتێ ژ بۆ ئاواره‌یان ل هه‌رێما كوردستانێ، هه‌وره‌ها پێشدابرنا په‌یوه‌ندییێن دوقۆلی، په‌یوه‌ندییێن هه‌ولێر و به‌غدایێ گۆتوبێژ كرن.
كۆنسۆلێ كوێتێ، سوپاسییا حكومه‌تا هه‌رێمێ ژ بۆ حه‌واندنا وێ هه‌ژمارا زێده یا ئاواره‌یان كر، هه‌روه‌ها به‌حسا وان هاریكاریێن مرۆڤاتی ژی كر، یێن كوێتێ پێشكێشی وان دكه‌ت.
ژ ئالییێ خوه ڤه نێچیرڤان بارزانی، سوپاسییا هاریكاریێن كوێتێ و رۆلێ میرێ كوێتێ د هاریکاریکرنا ئاواره و په‌نابه‌رێن ل هه‌رێما كوردستانێ كر و گۆت: ئه‌وان هاریكارییان بارێ حكومه‌تا هه‌رێمێ سڤك كربوو.
سه‌رۆكوه‌زیر و كۆنسۆلێ كوێتێ، ره‌وشا سیاسی و ئه‌منی یا ده‌ڤه‌رێ، هه‌روه‌ها په‌یوه‌ندیێن هه‌ولێر و به‌غدا پشتی داوی سه‌ره‌دانا نێچیرڤان بارزانی، په‌یوه‌ندیێن هه‌رێمێ د گه‌ل وه‌لاتێن جیران ژی د هه‌ڤدیتنا خوه دا گۆتوبێژ كرن.
