مه‌سروور بارزانی ل گه‌ل به‌رپرسێن ژماره‌یه‌كا وه‌لاتان كۆم بوو
مه‌سروور بارزانی شیره‌تكارێ جڤاتا ئاساییشا هه‌رێمێ ئه‌ڤرۆ د په‌راوێزا كۆنگره‌یێ میۆنشنێ دا ل گه‌ل په‌ڕله‌مانتار و به‌رپرسێن ژماره‌یه‌كا وه‌لاتان كۆم بوو.
گه‌را 55ێ یا كۆنگره‌یا میۆنشێن یێ ئاساییشا نێڤده‌وله‌تی دوهی ده‌ست ب كارێن خوه كر، مه‌سروور بارزانی نوونه‌راتییا هه‌رێما كوردستانێ د كۆنگره‌ی دا دكه‌ت، د ئێكه‌م رۆژا كۆنگره‌ی دا، دیدار و كۆمبوونێن گرنگ دگه‌ل مه‌زنه به‌رپرسێن وه‌لاتان ساز كرن.
مه‌سروور بارزانی، ل گه‌ل ژماره‌یه‌كا په‌ڕله‌مانتارێن ئۆپزسیۆنا ئه‌لمانییا، هه‌روه‌ها گێڤن ولیه‌مسن، وه‌زیرێ به‌رگرییا بریتانیا، محه‌مه‌د جه‌واد زه‌ریفی وه‌زیرێ ده‌رڤه‌یێ ئیرانێ و گێر پێدەرسن، نوونەرێ سکرتێرێ گشتی یێ نەتەوە یەکگرتووەکان بۆ کاروبارێن سووریا، كۆم بوو و ئێمناهیا ده‌ڤه‌رێ، په‌یوه‌ندیێن دوقۆلی و قۆناغا پشتی داعشێ د وان كۆمبوونان دا گۆتوبێژ كر.
شیره‌تكارێ جڤاتا ئاساییشا هه‌رێما كوردستانێ هه‌ر ئه‌ڤرۆ رۆژا شه‌مبیێ دێ ل گه‌ل ئۆرسۆلا ڤۆندێرلاین وه‌زیرا به‌رگرییا ئه‌لمانیا، خلۆسی ئاكار وه‌زیرێ به‌رگرییا توركیا و جه‌یمس جێفری نوونه‌رێ سه‌رۆكێ ئه‌مریكا بۆ هه‌ڤپه‌یمانییا دژی داعشێ و چه‌ندین به‌رپرسێن ئه‌مریكی و ئیماراتا ئه‌ره‌بی كۆم بیت.
