ھێزەر ناوێرت نابیتە نوونەرا ئەمریکا ل نەتەوەیێن ئێکگرتی

پەیڤدارا وەزارەتا دەرڤە یا ئەمریکا رەت کر پۆستێ نوونەرا ھەردەمی ل نەتەوەیێن ئێکگرتی وەربگریت.
وەزارەتا دەرڤە یا ئەمریکا د بەیانەکێ دا راگەھاند؛ ھێزەر ناوێرتێ خوە ژ بەربژارییا پۆستێ نوونەراتیا ئەمریکا یا ھەردەمی ل نەتەوەیێن ئێکگرتی ڤەکێشایە و دۆنالد ترامپ دێ ل ڤان نێزیکان کەسەکێ دی ل شوونا وێ دەستنیشان کەت.
ناوێرتێ گۆتیە؛ ئەو سوپاسیا دۆنالد ترامپ و مایک پۆمپێیۆ، وەزیرێ دەرڤە دکەت کو باوەری پێ ئینایی بۆ وی پۆستی، لێ ژ بەر بەرژەوەندیێن خێزانی، وێ خوە ژ وی پۆستی ڤەکێشا.
نیکی ھالی، نوونەرا ئەمریکا ل نەتەوەیێن ئێکگرتی ل رۆژا سیھـ و ئێکێ مەھا کانوونا ئێکێ یا سالا بۆری بریار دابوو دەستان ژ پۆستێ خوە بەردەت و کۆچکا سپی ژی ل شوونگرەکێ د گەریت.