شه‌مبییێ دێ پارتی و ئێكه‌تی كۆم بن
بریاره رۆژا شه‌مبی مه‌كته‌بێن سیاسی یێن پارتییا دیموكرات یا كوردستانێ و ئێكه‌تییا نشتیمانی كۆم بن و رێككه‌فتنا د ناڤبه‌را خوه دا گۆتوبێژ بكه‌ن.
ل گۆره‌ی زانیارییێن وار، شه‌مبییا بهێت، مه‌كته‌بێن سیاسی یێن پارتی و ئێكه‌تی دێ ل مالا نێچیرڤان بارزانی، جێگرێ سه‌رۆكێ پارتی ل هه‌ولێرێ كۆم بن و گۆتوبێژا رێككه‌فتنا د ناڤبه‌را خوه دا و ئێكلاكرنا پرسا كه‌ركووكێ و پێكئینانا حكومه‌تا هه‌رێمێ كه‌ن.
دوماهی جار پارتی و ئێكه‌تی ل 5 ڤێ مه‌هێ كۆم ببوون و ره‌شنڤیسێ رێككه‌فتنه‌كا 18 خالی د ناڤبه‌را خوه دا ئاماده‌كربوو، لێ رێككه‌فتن ژبه‌ر ناكوكیێن هه‌ردو ئالییان ل سه‌ر كه‌ركووكێ نه‌هات ئیمزاكرن و ژبه‌ر ڤێ یه‌كێ ژی ئێكه‌تیێ بایكۆتا روونشتنێن په‌ڕله‌مانی كر.
ل گۆره‌ی زانیاریێن وار، ئێكه‌تیێ ناڤێن 4 به‌ربژاران بۆ وه‌رگرتنا پۆستێ پارێزگارێ كه‌ركووكێ داینه پارتی و ب هه‌ڤڕا هه‌ردو ئالی دێ یه‌ك ژ وان به‌ربژاران ده‌ستنیشان كه‌ن.
