لقێ8 به‌رپرسێن هه‌ژماره‌كا نڤیسینگه‌هێن خوه‌ ئالوگور كرن

محه‌مه‌دسدیق
بمه‌ره‌ما پتر پێشخستنا كارى ل هه‌ژماره‌كا نڤیسینگه‌هێن سه‌ر ب لقێ هه‌شت یێ پارتى ڤه‌، دكتور عه‌لى ته‌ته‌ر ئه‌ندامێ جڤاتا سه‌ركردایه‌تى و به‌رپرسێ لقێ هه‌شت، جهێن به‌رپرسێن هه‌ژماره‌كا نڤیسینگه‌هێن لقێ هه‌شت ئالوگور كرن، د ئه‌نجامدا شڤان شێخو ژ نڤیسینگه‌ها ره‌وشه‌نبیرى و راگه‌هاندنێ بو نڤیسینگه‌ها جه‌ماوه‌رى و پێشه‌یى هاته‌ ڤه‌گوهاستن و لجهێ وى ئه‌بو جیهان ده‌ستبكاربوو، هه‌روه‌سا عه‌بدولواحد سلێڤانه‌یى ژ نڤیسینگه‌ها په‌یوه‌ندیان بو نڤیسینگه‌ها هه‌لبژارتنان هاته‌ ڤه‌گوهاستن و ل جهێ وى ژى محمود خورشید ده‌ستبكاربوو، دهێته‌ زانین هه‌ردوو به‌رپرسێن نڤیسینگه‌هێن به‌رێ یێن به‌شێن هه‌لبژارتنان و جه‌ماوه‌رى و پێشه‌یى هه‌ر یه‌ك ژ چیا حه‌مید شه‌ریف و حكمت محه‌مه‌د گه‌ودا وه‌ك په‌له‌مانتار ده‌ست ب ئه‌ركێ خوه‌ كرینه‌ و جهێ وان د ڤێ ئالوگور كرنێدا هاتنه‌ پركرن، د په‌یڤه‌كێ دا به‌رپرسێ لقێ هه‌شت یا پارتى ئاماژه‌ ب رولێ به‌رپرسێن به‌رێ یێن وان نڤیسینگه‌هان كر و هیڤى خواست د ئه‌ركێ خوه‌ یێ نوى دا ژى سه‌ركه‌فتى بن هه‌وه‌كو د ئه‌كێ خوه‌ یێ پارتایه‌تى دا كه‌سێن خودان شیان بووینه‌، هه‌روه‌سا گوت ژى، گهورین نیشانا بهێتربوونێ یه‌ د هه‌ر ده‌م و جهه‌كێ دا بیت پێدڤییه‌ گوهورین بهێته‌ كرن و كه‌سێن ژ هه‌ژى بو جهێن ژ هه‌ژینه‌ و سه‌ركه‌فتنێ بو هه‌مى هه‌ڤال و هه‌ڤكارێن پارتى د خوازین یێن ڤان نڤیسینگه‌هان و جهێن دیتر ژى دا كار دكه‌ن، هیڤیه‌ ئه‌ڤ یه‌ك ببیته‌ ده‌لیڤه‌یه‌ك بو خوه‌ نویكرنه‌كا دى و ئه‌نه‌رژییه‌كا دى وه‌رگرین د كارێ پارتایه‌تى دا