پارتى و ئێكه‌تى رێككه‌فتنا خوه‌ ئیمزا كرن

محه‌مه‌دسدیق
ئه‌ڤرو هه‌ردوو مه‌كته‌بێن سیاسیێن پارتى دیموكراتى كوردستان و ئێكه‌تییا نیشتیمانییا كوردستانێ، ل هه‌ولێرێ كومبوون و ل سه‌ر هه‌مى پرسێن د ناڤبه‌را خوه‌دا رێككه‌فتن، كومبوونێن مه‌كته‌بێن سیاسیێن پارتى و ئێكه‌تیێ به‌رده‌وامن و هه‌ر دوو ئالى ل سه‌ر هه‌مى پرسێن پیكئینانا حكومه‌تێ و كه‌ركووكێ و به‌غدایێ رێككه‌فتن، پشتى كومبوونێ ژى ب ئاماده‌بوونا نێچیرڤان بارزانى جێگرێ سه‌روكێ پارتى و كوسره‌ت ره‌سوول عه‌لى جێگرێ سكرتێرێ گشتیێ ئێكه‌تیێ ل سه‌ر مێزا ئیمزاكرنا رێككه‌فتنێ، رێككه‌فتنا خوه‌ ئیمزا كرن، ژێده‌ران دیاركر، پارتى گوتوبێژا پارڤه‌كرنا پوستان دگه‌ل ئێكه‌تیێ كر و پێكهاتن، كومبوونا ئه‌ڤرو یا پارتى و ئێكه‌تیێ د ده‌مه‌كێ دایه‌، دوهى ل پیرمام سه‌روك مه‌سعود بارزانى و كوسره‌ت ره‌سوول عه‌لى كوم بوون و ته‌كه‌زى ل كارێ هه‌ڤپشك كربوون، لدویف زانیاریان د كومبوونا دوهى دا سه‌روك بارزانى و كوسره‌ت ره‌سوول لدور هه‌مى ناكوكیێن د ناڤبه‌را پارتى و ئێكه‌تیێ دا گه‌هشتبوونه‌ لێكتێگه‌هشتنێ