زاخو: په‌رله‌مانتاره‌كا پارتیێ نیڤا مووچه‌یێ خوه ب سه‌ر خه‌لكێ دا پارڤه‌دكه‌ت
محه‌مه‌دسدیق
ئه‌ڤرو د سه‌ره‌دانه‌كێ دا بو لیژنا ناوچا باتیفا یا پارتى دیموكراتى كوردستان، وه‌سفیا محه‌مه‌د شێخو په‌رله‌مانتارا عیراقێ ل سه‌ر فراكسیونا پارتى، كوژمێ دوو ملیون و پێنج سه‌د هه‌زار دیناران ب سه‌ر خێزانێن شه‌رێ دژى داعشێ و په‌ككه‌فتیێن وى شه‌رى دا دابه‌شكرن، ئه‌وێ په‌رله‌مانتارا پارتیێ ئاماژه‌كر، ئه‌و ره‌وشا خه‌لكێ ده‌ڤه‌را زاخو و ب تایبه‌تى ژى پێشمه‌رگه و شه‌هیدان پێشچاڤ وه‌رگریت و ڤێ هاریكاریێ مه‌هانه ب سه‌رواندا دابه‌ش دكه‌ت، ناڤهاتیێ گوت ژى، هه‌تا نها شه‌ش مووچه‌یێن خوه من وه‌رگرتینه و نزیكى نیڤا وى مووچه‌یى ژى من وه‌كو هاریكارى داینه چینێن جودا یێن ده‌ڤه‌را زاخو و ده‌وروبه‌ران.
ئه‌ڤه د ده‌مه‌كێ دایه كو په‌رله‌مانتارا پارتى وه‌سفیا محه‌مه‌د شێخو، د بانگه‌شه‌یا هه‌لبژارتناندا د به‌رنامه‌یێ (مژار) دا ل ته‌له‌فزیونا ده‌لال سووزدابوو كو ئه‌گه‌ر ده‌ركه‌فت نیڤا مووچه‌یێ خوه ب سه‌ر خه‌لكێ هه‌ژار دا پارڤه بكه‌ت
