نووچه
هێرشا هه‌له‌بجه ناهێته ژبیركرن
وه‌زیرێ ده‌رڤه یێ ئیرانێ راگه‌هاند، نه ئیران و نه برایێن كورد چ جاران هێرشا هۆڤانه یا هه‌له‌بجه ژبیر ناكه‌ن.
جه‌واد زه‌ریفی د سالڤه‌گه‌را هێرشا كێمیایی یا هه‌لبجه دا ئاماژه كره وێ هێرشێ و گۆت: چێدبیت وه‌لاتێن رۆژئاڤا بخوازن یادا هه‌له‌بجه بهێته ژبیركرن، لێ ئیران و گه‌لێ كورد چ جاران هێرشێن هۆڤانه یێن هه‌له‌بجه و سه‌رده‌شتێ ژبیر ناكه‌ن سه‌رباری ده‌ربازبوونا سیهو ئێك سالان.
زه‌ریفی سالڤه‌گه‌را هێرشا هه‌له‌بجه بكار ئینا بۆ ره‌خنه‌كرنا وه‌لاتێن رۆژئاڤا و گۆت: ل ده‌ستپێكێ وه‌لاتێن رۆژئاڤا ره‌ت كر كو ئه‌و هێرش هاتبیته كرن، پاشی كره سووچێن ئیرانێ، لێ ل ده‌مێ ئاشكرا بووی كو هه‌ڤپه‌یمانه‌كێ وان ئه‌و هێرش كرییه وه‌لاتێن رۆژئاڤا بێده‌نگی هه‌لبژارت.
