نووچه
ئیرانێ ده‌ست ب دانا ڤیزه‌یان بێبه‌رامبه‌ر بۆ ئیراقییان كر
بالیۆزخانه‌یا ئیرانێ ل به‌غدا ئاشكه‌را كر: ئه‌ڤرۆ ده‌ست ب دانا ڤیزه‌یێن بێبه‌رامبه‌ر بۆ وه‌لاتیێن ئیراقی هات كرن.
لگۆره‌ی به‌یاننامه‌یه‌كا بالیۆزخانه‌یا ئیرانێ ل به‌غدا، ئه‌وان هه‌می كۆنسۆلیێن ئیرانی ل سه‌رتاسه‌ری ئیراقێ راسپاردینه كو سوبه ده‌ست ب دانا ڤیزه‌یێن بێبه‌رامبه‌ر بۆ وه‌لاتیێن ئیراقێ بكه‌ن ئه‌وێن دخوازن سه‌ره‌دانا ئیرانێ بكه‌ن.
د به‌یاننامه‌یێ دا هاتییه ژی: ده‌ستپێكرنا دانا ڤیزه‌یان بێبه‌رامبه‌ر لگۆره‌ی راسپارده‌یا وه‌زاره‌تا ده‌رڤه یا ئیرانێ بوو.
ئه‌ڤه د ده‌مه‌كی داییه دوهی، ئه‌میندارییا گشتی یا جڤاتا وه‌زیرێن ئیراقێ د به‌یاننامه‌یه‌كێ دا ئاشكه‌را كربوو كو ژ ده‌ستپێكا مه‌ها نیسانێ دێ ڤیزه‌یا ئیراقی بۆ وه‌لاتیێن ئیرانی بێ به‌رامبه‌ر بیت.
