نووچه
حكومه‌تا ئیراقێ بریارا خه‌رجكرنا 4 مووچه‌یێن پێشمه‌رگه‌ی دا
سه‌رۆكێ حكومه‌تا ئیراقێ بریارا خه‌رجكرنا مووچه‌یێ چار مه‌هان یێ هێزێن پێشمه‌رگه‌یێ كوردستانێ ده‌رخست.
سه‌لاح بامه‌رنی په‌یامنێرێ وار ل به‌غدا راگه‌هاند؛ عادل عه‌بدولمه‌هدی سه‌رۆكێ حكومه‌تا ئیراقێ، كو هه‌ڤده‌م وه‌زیرێ به‌رگرییا ئیراقێ یه ب وه‌كاله‌ت، ئه‌ڤرۆ فه‌رمانا خه‌رجكرنا مووچه‌یێ چار مه‌هێن ئه‌ڤ ساله یێ هێزێن پێشمه‌رگه‌ی ئیمزاكر.
هه‌روه‌ها عه‌بدولمه‌هدی فه‌رماندایه وه‌زاره‌تا دارایی یا ئیراقێ، كو مووچه‌یێ هه‌ر چار مه‌هان، كو دبیته هه‌شتسه‌د و شازده ملیار دینار، ژبۆ هه‌رێما كوردستانێ ره‌وانه‌بكه‌ت.
پێشتر وه‌زاره‌تا به‌رگرییا ئیراقێ ب به‌هانه‌یا نه‌بوونا داتا و زانیارییان ل سه‌ر هه‌ژمارا پێشمه‌رگه‌ی، هنارتنا مووچه‌یی پاشخستبوو، لێ عه‌بدولمه‌هدی ئه‌ڤرۆ بریارا خه‌رجكرنێ دا.
