زاخو سوز و په‌یمانێن خوه‌ نویكرنه‌ڤه‌ بو هندێ وه‌فادارێ گه‌ل و وه‌لاتێ خوه‌بن

ئه‌ڤرو ب سه‌رپه‌رشتیا دكتور عه‌لى ته‌ته‌ر ئه‌ندامێ جڤاتا سه‌ركردایه‌تیێ و به‌رپرسێ لقێ هه‌شت یێ پارتى دیموكراتى كوردستان، سه‌رجه‌م ته‌خ و چینێن جودایێن ده‌ڤه‌را زاخو د گه‌ل فه‌رمانبه‌رێن حكومه‌تێ و كادر و لایه‌نگرێن رێبازا پیروزا بارزانیێ نه‌مر، سه‌ره‌دانا مه‌زارێَ نه‌مران ل ده‌ڤه‌را بارزان كرن و سوز په‌یمانێن كوردایه‌تى و بیروباوه‌رێن خوه‌ نوى كرنه‌ ڤه‌، د په‌یڤه‌كێ دا به‌رپرسێ لقێ هه‌شت ئاماژه‌ كر، بارزانیێ نه‌مر ملله‌تێ كورد ب هه‌مى جیهانێ دا ناساندن و قوناغ و ده‌ستكه‌فتێنئه‌ڤرو گه‌لێ كوردستانێ گه‌هشتیێ و پێ شادبووین به‌رهه‌مێ ره‌نج و خزمه‌ت و سه‌ركێشیا بارزانیێ نه‌مر و پێشمه‌رگه‌یێن وى سه‌رده‌مى بوویه‌ كو گیانێ خوه‌ به‌خشین بو هندێ گه‌لێ كوردستانێ ژبن زولم و سته‌ما دوژمنێن خوه‌ دویر بكه‌ت و بپارێزت، به‌رپرسێ لقێ هه‌شت ژپێش خه‌لكێ ده‌ڤه‌را زاخو و كادر و لایه‌نگر و شه‌یدایێن رێبازا پیروزا بارزانیێ نه‌مرڤه‌، سوز و په‌یمانێن خوه‌ نویكرنه‌ڤه‌ بو هندێ وه‌فادارێ گه‌ل و وه‌لاتێ خوه‌بن و رێكا گرتینه‌ به‌ر ژبو سه‌ربه‌خوه‌ و به‌رجه‌سته‌كرنا مافێن ره‌وایێن نه‌ته‌وا كورد به‌رنه‌دن