داهاتیێ دانه غاز ل هه‌رێما كوردستانێ زێده‌بوویه
كۆمپانییا دانه غاز راپۆرتا داهاتیێ خوه یێ مه‌هانه به‌لاڤكر و ل گۆرێ وێ، داهاتیێ وێ د چارێكا ئێكێ یا ئه‌ڤساله دا ل هه‌رێما كوردستانێ گه‌شه كرییه.
كۆمپانییا دانه غاز راگه‌هاندییه؛ ب ئاوایه‌كێ گشتی، د چارێكا ئێكێ یا ئه‌ڤساله دا و ب همبه‌ر كرن دگه‌ل چارێكا ئێكێ یا سالا بۆری، داهاتیێ وێ ب رێژه‌یا 117% زێده‌بوویه، ئه‌ڤ زێده‌بوونه ژی، كارێن وان ل هه‌رێما كوردستانێ ژی ب خوه‌ڤه دگریت.
د ڤێ ده‌ربارێ دا، پاتریك ئه‌لمان سه‌رۆكێ جێبه‌جێكار یێ كۆمپانییا دانه غاز گۆتییه: د چارێكا ئێكێ یا ئه‌ڤساله دا ئاستا به‌رهه‌مێ وان ل هه‌رێما كوردستانێ ب رێژه‌یا 30% زێده‌بوویه و گه‌هشتییه ئاستا 400 ملیۆن مه‌ترێن سێجا یێن غازا سروشتی.
دانه غاز ل دۆر خه‌رجییان ژی دایه زانین، كۆمپانییا بیرل پترۆلیۆم د چارێكا ئێكێ یا ئه‌ڤساله دا، 112 ملیۆن دۆلار وه‌ك خه‌رجیێن فرۆشتنا غازێن پترۆلی و یا شل ژ حكومه‌تا هه‌رێما كوردستانێ وه‌رگرتینه، 39 ملیۆن دۆلار ژ وی كۆژمه‌ی به‌هرا وانه.
كۆمپانییا دانه غاز ئاشكرا ژی كر، دگه‌ل ئه‌داكرنا وان خه‌رجییان، چ خه‌رجییه‌كا دی یا كۆمپانییا بیرل پترۆلیۆم ل ده‌ڤ حكومه‌تا هه‌رێما كوردستانێ نه‌ماینه.
