مه‌سروور بارزانی دگه‌ل ده‌سته‌یا خێرخوازییا ئیسلامییا جیهانی كۆمبوو
راوێژكارێ ئه‌نجوومه‌نا ئاساییشا هه‌رێما كوردستانێ ئه‌ڤرۆ دگه‌ل شانده‌كێ ده‌سته‌یا خێرخوازییا ئیسلامییا جیهانی كۆمبوو و گۆتوبێژا پرۆسه‌یا هاریكاریێن مرۆڤاتی كرن.
مه‌سروور بارزانی ئه‌ڤرۆ پێشوازی ل د. عه‌بدوللا ئه‌ل مه‌عتووق سه‌رۆكێ ده‌سته‌یا خێرخوازییا ئیسلامی ل جیهانێ و شاندێ دگه‌ل دا كر و د هه‌ڤدیتنه‌كێ دا كو كونسلێ گشتیێ كوێتێ ل هه‌رێمێ ژی تێدا به‌رهه‌ڤببوو، سه‌رۆكێ ده‌سته‌یا خێرخوازییا جیهانی سوپاسییا هه‌رێما كوردستانێ ژبۆ حه‌واندنا وێ هه‌ژمارا زۆرا ئاواره و په‌نابه‌ران كر.
شاندێ مێهڤان به‌حسا هاریكاریێن ده‌سته‌یا خوه ل هه‌رێما كوردستانێ كرن كو ب هه‌ماهه‌نگی دگه‌ل ده‌زگه‌هێ خێرخوازیێ بارزانی لسه‌ر كه‌مپێن ئاواره و په‌نابه‌ران دهێن به‌لاڤكرن.
ژ ئالیێ خوه‌ڤه مه‌سروور بارزانی به‌رهه‌ڤییا هه‌رێما كوردستانێ بۆ هه‌ر هاریكارییه‌كێ نیشان دا و رۆلێ ده‌سته‌یا خێرخوازییا جیهانی ژی د دابینكرنا خزمه‌تگوزاریێن مرۆڤی دا بلند نرخاند.
گۆت ژی: هه‌رێما كوردستانێ سه‌رباری قه‌یرانێ و برینا بودجه‌ی، لێ ئاواره و په‌نابه‌ر بێی جوداهی حه‌واندن.
