تورکیا ژ ئیراقێ خواست چو دەڤەرێن ھێمن بۆ پەکەکێ دروست نەکەن

سەرۆکێ پەرلەمانێ تورکیا داخواز ژ حکومەتا ئیراقێ کر چو دەڤەرێن ھێمن بۆ گەریلایێن پارتییا کارکەرێن کوردستانێ پەکەکێ دروست نەکەن.
مستەفا شەنتۆپ، سەرۆکێ پەرلەمانێ تورکیا د پەیڤەکێ د کۆنگرەیێ پەرلەمانێن جیرانێن ئیراقێ دا ل بەغدا گۆت: ئەو ژ ئیراقێ دخوازن چو جھێن ھێمن بۆ گەریلایێن پەکەکێ نەھێن دروست کرن، داخواز ژی کر ئیراق ھەماھەنگیێ د گەل وان دا بکەت بۆ بەرھنگاربوونا پەکەکێ.
شەنتۆپ ئاشکرا کر، پێشھاتێن ئیراقێ کارتێکرنەکا راستەوخۆ ل سەر وەلاتێن دەڤەرێ ھەیە، نەبوونا سەقامگیریێ و ڤالاتییا ئەمنی ژی ل ئیراقێ، بۆ تورکیا بوویە پرسەکا ئاساییشا نەتەوەیی، ژ بۆ وێ یەکێ ژی تورکیا پشتەڤانیێ ل ئێکپارچەیی و سەقامگیریا ئیراقێ دکەت.