د چوارچوڤێ بزاڤ و چالاكیێن نڤیسینگه‌ها رێكخستنێ یا لقێ هه‌شت دا

نڤیسین: شه‌عبان سه‌لمان ئاسنگه‌ر
پێداچوون: محمد سه‌دیق

د چوارچوڤێ بزاڤ و چالاكیێن نڤیسینگه‌ها رێكخستنێ یا لقێ هه‌شت دا، ئه‌ڤرۆ ب به‌رهه‌ڤبوونا دكتۆر عه‌لى ته‌ته‌ر ئه‌ندامێ سه‌ركردایه‌تى و به‌رپرسێ لقێ هه‌شت یێ پارتى دیموكراتى كوردستان، رێوره‌سمێن خه‌لاتكرنا هژماره‌كا رێكخراوێن سنوورێ لقێ هه‌شت ل ده‌ڤه‌را زاخۆ ئه‌وێن پلا ئێكێ ب ده‌ستخوه‌ڤه‌ ئیناین د مه‌هێن ئێك و دوو و سێ یێن ئه‌ڤ ساله‌ دا كو ئه‌ڤ یه‌ك ژى ل سه‌ر ئاستێ كارێن پارتایه‌تى و رێكخستنێ و كادرێن چالاك د هاته‌ پێڤه‌ركرن، ب ڤێ هه‌لكه‌فتێ به‌رپرسێ لقێ هه‌شت په‌یڤه‌ك پێشكێشى كادر و ئه‌ندامێن پارتى یێن به‌رهه‌ڤبوویى كر، و تێدا ده‌ستخوه‌شى ل ستافێ وان رێكخراوان كر ئه‌وێن هاتینه‌ خه‌لاتكرن و هیڤى خواست ل سه‌ر ڤى ئاستى به‌رده‌وام بن ب مه‌ره‌ما باشتر بوونا ره‌وشا پارتایه‌تى و پێشكه‌فتنا دوزامه‌، هه‌روه‌سا به‌حسێ هیڤى و ئامانجێن سه‌ره‌كیێن پارتى ژى كر كو پێدڤییه‌ بگه‌هیتێ ئه‌و ژى ئازادییا ئێكجارى یا گه‌لێ مه‌یه‌ و د ڤى باریدا كادرێن پارتى هه‌لگرێن باره‌كێ گرانن، هه‌روه‌سا دیار كر ژى دیتنا ریكێن خزمه‌تكرنێ و پێشڤه‌برنا ره‌وشا سیاسى و ئابوورى ژى ل ده‌ڤ پارتى یا جیاوازه‌ ژ هنده‌ك ئالیێن دیتر و چو جاران وه‌ستیان بو مه‌ نینه‌ د به‌ره‌ف پێشچوونێ دا، ژ ئالیه‌كێ دیڤه‌ دكتۆر عه‌لى به‌حسێ پێكئینانا حكومه‌تا هه‌رێما كوردستانێ كر كو ل چه‌ند رۆژێن داهاتى دێ هیته‌ پێكئینان و ره‌وشا عیراقێ ب گشتى ژى ته‌وه‌ره‌كێ دیتر یێ وێ په‌یڤێ بوو