نووچه
سه‌رۆك بارزانى 1ى گولانێ ل کارکه‌رێن كوردستانێ پیرۆز كر
سه‌رۆك مه‌سعوود بارزانى ئێكى گۆلانێ ل كرێكارێن كوردستانێ پیرۆز كر و سوپاسییا ئه‌رك و ماندیبوونا وان كر.
د په‌یامه‌كێ دا سه‌رۆك مه‌سعوود بارزانى ب هه‌لكه‌فتا رۆژا جیهانى یا كرێكاران، هیڤییا رۆژه‌كا خوه‌ش بۆ كرێكارێن كوردستانێ خواست و دیاركر، پێدڤییه‌هه‌موو ده‌مان رێز ل كارێ ب زه‌حمه‌ت و ئه‌رك و ماندیبوونا كرێكاران بهێت گرتن.
سه‌رۆك بارزانى، كرێكار ب چینه‌كا گرنگ یا جڤاكى ناڤكرینه‌و داخوازا ژیانه‌كا به‌خته‌وه‌ر و دوور ژ بنپێكرن و قۆرخكاریێ بۆ هه‌موو كرێكاران كرییه.
