نێچیرڤان بارزانی: دەرفەتا کاری بۆ سەرمایەدارێن بیانی ل کوردستانێ هەیە
سەرۆکوەزیر بارزانی ل گەل کۆنسولێ نوو یێ ئیماراتێ کۆم بوو و دوپات کر، کو ژبۆ سەرمایەدارێن بیانی ل هەرێما کوردستانێ دەرفەتا کاری هەیە.
نێچیرڤان بارزانی، سەرۆکوەزیرێ هەرێما کوردستانێ ئەڤرۆ پێشوازی ل ئەحمەد زاهری، کۆنسولێ نوو یێ ئیماراتێ ل هەولێرێ کر و پوختەیەکا رەوشا هەرێمێ یا پشتی شەرێ داعشێ، ئاوارە و پەنابەرێن قەسا هەرێمێ کری، هەروەسا پەیوەندییێن هەولێر و بەغدا و پێکئینانا حکومەتا نوو یا هەرێما کوردستانێ گەهاندێ.
کۆنسولێ ئیماراتێ ژی هەلوەستێ حکومەت و گەلێ هەرێما کوردستانێ ل هەمبەر ئاوارە و زیانڤێکەفتییێن شەرێ تیرۆرێ بلند نرخاند و د پێشڤەبرنا پەیوەندییێن وەلاتێ خوە و هەرێما کوردستانێ ژی دا دوپاتی ل بیاڤێن بازرگانی و ئابۆری کر.
دەربارەی هەمان بابەت سەرۆکوەزیر بارزانی دا زانین: ل هەرێما کوردستانێ دەرفەتا کاری بۆ سەرمایەدار و کۆمپانییێن بیانی هەیە و حکومه‌تا هەرێمێ ب هەموو سازییێن خوە ڤە بۆ هەر جۆرەکێ رێکخوەشکارییا پێدڤی بەرهەڤە.
