نووچه
وه‌زیرێ په‌ترۆلێ: دێ به‌رهه‌مێ كه‌ركووكێ بیته ملیۆن به‌رمیل
وه‌زیرێ په‌ترۆلا ئیراقێ رادگه‌هینیت؛ وان پلان هه‌نه ئاستا به‌رهه‌مێ په‌ترۆلا كه‌ركووكێ بۆ ملیۆن به‌رمیلێن رۆژانه زێده بكه‌ن.
سامر غه‌زبان بۆ رۆژنامه‌یا سه‌باح یا فه‌رمی گۆتییه: وه‌زاره‌تا په‌ترۆلا ئیراقێ پلان هه‌نه كێلگه‌هێن كه‌ركووكێ پێشدا ببه‌ت و ئاستا به‌رهه‌مێ وێ یێ رۆژانه ژ چارسه‌د هزار به‌رمیلان بگه‌هینیت ملیۆن به‌رمیلان.
هه‌روه‌ها دیاركر، ل ڤێ قۆناغێ ئیراقێ رۆژانه نه‌هـ سه‌د هزار به‌رمیلان ب رێیا به‌نده‌رێ جه‌یهان یێ توركی ره‌وانه‌ی بازارێن جیهانێ دكه‌ت، ژ وی قه‌باره‌ی تنێ نۆت هزار به‌رمیل یێن كه‌ركووكێ نه.
ئیراق كو ب چاره‌م هه‌نارده‌كارا په‌ترۆلێ دهێت هه‌ژمارتن، ل گۆری داتایێن رێكخستنا ووزه‌یا نێڤده‌وله‌تی، تا سالا دو هزار و سیهێ، ئیراق دێ پێشڤه هێته رێزا سێ یێ.
