نووچه
باشبوونا په‌یوه‌ندیێن هه‌ولێر و به‌غدا د به‌رژه‌وه‌ندا هه‌ردو ئالیان دا یه
شانده‌كا بلند یا وه‌زاره‌تا ده‌رڤه یا ئه‌مریكا ئه‌ڤرۆ سه‌ره‌دانا سه‌رۆك بارزانی كر و باشبوونا په‌یوه‌ندیێن هه‌ولێر و به‌غدا ب ئه‌رێنی وه‌سفكرن.
سه‌رۆك بارزانی ل پیرمام پێشوازی شانده‌كا بلند یا وه‌زاره‌تا ده‌رڤه یا ئه‌مریكا كر ب سه‌رۆكاتییا ده‌یڤید ساترفێلد جێگرێ وه‌زیرێ ده‌رڤه یێ ئه‌مریكا بۆ كاروبارێن رۆژهه‌لاتا ناڤین و د كۆمبوونێ دا باس ل ره‌وشا سیاسییا ئیراقێ و ده‌ڤه‌رێ كر.
شاندا مێهڤان هه‌روه‌سا د كۆمبوونێ دا دووپاتی ل باشتربوونا په‌یوه‌ندیێن د ناڤبه‌را هه‌ولێر و به‌غدا دا كر و راگه‌هاند: باشتربوونا په‌یوه‌ندییان د به‌رژوه‌ندا هه‌ولێر و به‌غدا دایه.
هه‌ر د كۆمبوونێ دا دوماهی گهورینێن مه‌یدانی و شه‌رێ دژی داعشێ هاتن باسكرن و هه‌ردو ئالی ب هه‌ڤرا بوون كو هێشتا مه‌ترسیا داعشێ ل سه‌ر ئاساییشا ئیراقێ و سووریێ و ده‌ڤه‌رێ هه‌میێ ماییه.
