سه‌روك بارزانى پێشوازى ل مالباتا سه‌روكێ كوردستانا سوور كر
محه‌مه‌دسدیق سه‌روك بارزانى پێشوازى ل مالباتا سه‌روكێ كوردستانا سوور كر و راگه‌هاند، وه‌كیل موسته‌فایوڤ قاره‌مانه‌كێ مه‌زن یێ گه‌لێ كوردبوو و دێ هه‌تا هه‌تایێ زیندى مینت، ئه‌ڤرو ل پیرمام سه‌روك مه‌سعود بارزانى، پێشوازى ل مالباتا وه‌كیل موسته‌فانیوڤ سه‌روكێ كوردستانا سوور كر و هه‌ڤخه‌مییا خوه بو وه‌غه‌را موسته‌فانیوڤى گه‌هاند مالباتا وى و راگه‌هاند، هه‌ر كه‌سه‌كێ خزمه‌تا گه‌لێ خوه كربیت و دناڤ دلێ ملله‌تێ خوه‌دا بیت، دێ هه‌تا هه‌تایێ زیندى مینت و موسته‌فایوڤ ژى قاره‌مانه‌كێ مه‌زن یێ گه‌لێ كورد بوو، سه‌روك بارزانى دا زانین ژى، هه‌رێما كوردستانێ مالا هه‌مى كوردانه و ئاخا وێ ب خوینا هه‌زاره‌ها شه‌هیدان هاتیه ئاڤدان و دێ ب خوینا شه‌هیدان هێته پاراستن ژى، مالباتا سه‌روكێ كوردستانا سوور ژى، سوپاسییا هه‌ڤخه‌مییا سه‌روك بارزانى و هه‌مى گه‌لێ كورد كر و راگه‌هاند، ئه‌و خوه‌شحالن كو شیایین ته‌رمێ موسته‌فایوڤى ل هه‌رێما كوردستانێ ڤه‌شێرن
