داودئۆغلو دێ پارتییا خوە ل ئامەدێ راگەھینیت

ل گۆری ئاگاھییێن ھندەک ئاژانسان، ئەحمەد داودئۆ‌غلو دێ پارتییا خوە یا نوو ل ئامەدا باکۆرێ کوردستانێ راگەھینیت.
بەشێ تورکی یێ ئاژانسا دۆچەڤێلە یا ئەلمانی راگەھاند: ئەحمەد داودئۆغلو، سەرۆکێ بەرێ یێ وەزیرێن تورکیا و سەرکردەیێ بەرێ یێ پارتییا داد و گەشەپێدانێ، ئاکەپێ دێ پارتییا خوە یا نوو کو مژوولی دامەزراندنا وێ یە، د فتارەیەکا بەرفرەھـ دا ل باژارێ ئامەدێ یێ پایتەختا باکۆری کوردستانێ راگەھینیت.
دۆچەڤێلەیێ ئاشکەرا ژی کر؛ داودئۆغلویی ل پارێزگەھێن باکۆرێ کوردستانێ یێن وەک ئێلھـ، ئامەد و چەولیگێ خەباتێن بەرفرەھـ یێن رێکخستنێ بۆ پارتییا خوە یا نوو کرینە دا کو پشتەڤانییەکا بەرفەھـ یا کوردێن موسلمان بۆ خوە پەیدا بکەت.