نووچه
نێچیرڤان بارزانى دێ ب ده‌نگێن 91 په‌رله‌مانتاران هێت هه‌لبژارتن
سه‌رۆكێ لیستا به‌ره‌یا توركومانى ل په‌رله‌مانێ كوردستانێ راگه‌هاند؛ نێچیرڤان بارزانى به‌ربژارێ پترین فراكسیۆنێن په‌رله‌مانییه و دێ ب ده‌نگێن 91 په‌رله‌مانتاران هێت هه‌لبژارتن.
ئایدن مه‌عرۆفى بۆ وار گۆت: تا نها 8 كه‌سان خوه بۆ پۆستێ سه‌رۆكاتییا هه‌رێمێ به‌ربژاركرییه، لێ ل گۆره‌ى رێككه‌فتنا پێكئینانا حكومه‌تێ، نێچیرڤان بارزانى به‌ربژارێ پارتى یه و فراكسیۆنێن پارتى، ئێكه‌تى، گۆڕان و پێكهاته‌یێن ئۆلى و نه‌ته‌وه‌یى یێن په‌رله‌مانى پشته‌ڤانییێ لێ دكه‌ن و دێ ب ده‌نگێن 91 په‌رله‌مانتاران هێت هه‌لبژارتن.
گۆت ژى: پشتى رێكارێن قانوونى یێن پێداچوونا به‌ربژاران ته‌مام دبن، په‌رله‌مان دێ رۆژه‌كێ بۆ هه‌لبژارتن و سووندخوارنا سه‌رۆكێ هه‌رێمێ دانیت.
