سمیناره‌ك لدور بیره‌وه‌ریا شوره‌شا گولانێ هاته‌ سازكرن

محه‌مه‌دسدیق

بهه‌لكه‌فتا بیره‌وه‌ریا چل و سێ سالیا به‌رپابوونا شوره‌شا گولانا پێشكه‌فتنخواز، ئه‌ڤرو دكتور عه‌لى ته‌ته‌ر ئه‌ندامێ جڤاتا سه‌ركردایه‌تیێ و به‌رپرسێ لقێ هه‌شت یا پارتى دیموكراتى كوردستان، سمیناره‌ك بو هه‌ژماره‌كا پێشمه‌رگه‌ و هه‌لگرێن میدالیا بارزانى و كادرێن سنوورێ لقێ سازكر، دكتور عه‌لى ته‌ته‌ر چه‌نده‌ك ژ مێژوویا شوره‌شا گولانا پێشكه‌فتنخواز به‌حسكر و ئه‌گه‌رێن به‌رپابوونا شوره‌شێ دژى رژێما عیراقێ یا وى سه‌رده‌مى ئینات زمان، كو پێشمه‌رگێ كوردستانێ ب راسپاردێن بارزانیێ نه‌مر و سه‌ركێشیا هه‌ردوو سه‌ركردێن كورد، جانه‌مه‌رگ ئیدریس بارزانى و به‌رێز مه‌سعود بارزانى شیان ئه‌ڤێ شوره‌شێ ب تمامكه‌را شوره‌شا ئه‌یلولا مه‌زن به‌رده‌وامیێ پێ بده‌ن و چه‌ندین ده‌ستكه‌فت و ده‌ڤه‌رێن كوردنشین ژى ژبن ده‌ستێ دوژمنى ده‌ربێخن، به‌رپرسێ لقێ هه‌شت زێده‌بارى دیروك و ده‌ستكه‌فتێن شوره‌شا گولانێ ره‌وشا ئه‌ڤرو یا هه‌رێما كوردستانێ و رولێ جه‌نابێ سه‌روك بارزانى د وه‌رار و پێشخستن و ئێمناهیا ده‌ڤه‌رێ دا ئینات زمان.