په‌رله‌مان دێ سێشه‌مبێ بۆ هه‌لبژارتنا سه‌رۆكێ هه‌رێمێ كۆمبیت
سه‌رۆكاتییا په‌رله‌مانێ كوردستانێ بریار دا، په‌رله‌مان ل رۆژا سێشه‌مبێ كۆم ببیت و سه‌رۆكێ هه‌رێما كوردستانێ هه‌لبژێریت.
سه‌رۆكاتییا په‌رله‌مانێ كوردستانێ ئه‌ڤرۆ بریار دا ل رۆژا سێشه‌مبێ رێككه‌فتنی بیست و هه‌شتی گولانێ روونشتنا ئاسایی یا هه‌ژمار شه‌ش ژ خولا پێنجێ گرێده‌ت و سه‌رۆكێ هه‌رێما كوردستانێ هه‌لبژێریت.
سه‌رۆكاتییا په‌رله‌مانی داخواز ژ هه‌موو په‌رله‌مانتاران ژی كرییه به‌رهه‌ڤی روونشتنێ ببن، ههر چه‌نده ئاماژه ب كارنامه‌یا روونشتنێ نه‌دایه.
چاڤه‌رێ دهێت كرن، نێچیرڤان بارزانی، وه‌ك به‌ربژارێ پارتی ب رێككه‌فتنا سیاسی و پشته‌ڤانییا پترییا فراكسیۆنێن په‌ڕله‌مانی، وه‌ك سه‌رۆكێ هه‌رێما كوردستانێ بهێت هه‌لبژارتن.
پێشتر سه‌رۆكاتییا په‌ڕله‌مانێ كوردستانێ ناڤێن وان كه‌سان راگه‌‌هاندینه، كو مه‌‌رجێن قانوونی یێن وه‌رگرتنا پۆستێ سه‌رۆكێ هه‌رێما كوردستانێ تێدانه و ل گۆری وێ، ههر یه‌‌ك ژ نێچیرڤان بارزانی، ئومێد عه‌بدولسهلام، محه‌مه‌د حه‌مه‌سالح، رێبوار عه‌زیز مسته‌فا و هیوا عه‌بدوللا خدر، به‌ربژارێن سه‌رۆكاتییێ نه.
