نووچه
بریتانیا بۆ نێچیرڤان بارزانی: دێ زێده‌تر په‌یوه‌ندییان پێشدابه‌ین
بالیۆزێ بریتانیا ل به‌غدا و كۆنسۆلێ وی وه‌لاتی ل هه‌ولێرێ د دو نامه‌یێن جودا دا پیرۆزباهی ل نێچیرڤان بارزانی كر و باس ل زێده‌تر پێشدابرنا په‌یوه‌ندییان كرن.
جۆن ویلكس بالیۆزێ بریتانیا ل ئیراقێ د نامه‌یه‌كا پیرۆزباهیێ دا ب هه‌لكه‌فتا هه‌لبژارتنا نیچیرڤان بارزانی وه‌ك سه‌رۆكێ هه‌رێما كوردستانێ و دیاركر: باشتره كورد زێده‌تر هه‌ماهه‌نگیێ دگه‌ل بریتانیا بكه‌ن، داكو ب باشترین شێوه مفا ژ ده‌لیڤه‌یێن به‌رده‌ست بهێته دیتن.
هه‌ر د نامه‌یه‌كا جودا دا و مارتن وار كۆنسۆلێ بریتانیا ل هه‌ولێرێ راگه‌هاند: د سالێن بۆری دا بریتانیا دانوستاندن و لهه‌ڤتێگه‌هشتن د سه‌ره‌ده‌ریێن نێچیرڤان بارزانی دا دیتیه و ل ده‌مێن بهێت ژی دێ زێده‌تر په‌یوه‌ندیێن هه‌ردو ئالیان هێنه پێشدابرن.
