پارتى ناڤه‌رۆكا رێككه‌فتنا خوه یا ل گه‌ل ئێكه‌تییێ به‌لاڤ كر
پارتییا دیموكرات یا كوردستانێ، ناڤه‌رۆكا رێككه‌فتنا خوه یا پێكئینانا حكومه‌تێ یا ل گه‌ل ئێكه‌تییا نشتیمانى به‌لاڤكر و ل گۆره‌ى رێككه‌فتنێ، سه‌رۆك بارزانى و كوسره‌ت ره‌سوول عه‌لى ل گه‌ل پێكئینانا حكومه‌تێ دێ پارێزگارێ كه‌ركووكێ ده‌ستنیشان كه‌ن.
ل سه‌ر بریارا جڤاتا سه‌ركردایه‌تییا پارتى و بۆ هایداربوونا رایا گشتى ژ رێككه‌فتنا پارتى و ئێكه‌تى و چه‌وانییا دانا پارێزگاره‌كێ نوو بۆ كه‌ركووكێ، ئه‌ڤرۆ سپێدێ پارتی ناڤه‌رۆكا رێككه‌فتنا خوه یا سیاسى یا پێكئینانا حكومه‌تێ یا ل گه‌ل ئێكه‌تییا نشتیمانى به‌لاڤكر.
د خاله‌كا پاشكۆیا رێككه‌فتنێ دا، كو تایبه‌ته ب دانانا پارێزگارێ كه‌ركووكێ ب ئاشكرایى هاتییه، كو ل گه‌ل پێكئینانا حكومه‌تا هه‌رێما كوردستانێ، سه‌رۆك مه‌سعوود بارزانى و كوسره‌ت ره‌سوول عه‌لى دێ ل دۆر دانانا كه‌سه‌كى بۆ پارێزگارێ كه‌ركووكێ رێككه‌فن.
رێككه‌فتنا پارتى و ئێكه‌تى ژ 18 مادده‌یان پێكهاتییه و پاشكویا رێككه‌فتنێ ژى تایبه‌ته ب دانانا پارێزگارێ كه‌ركووكێ و ل 4ى مه‌ها ئادارا ئه‌ڤساله، ئه‌و رێككه‌فتن هاتییه ئیمزاكرن.
