ئۆجەلان: پێشکەفتنا باکۆرێ کوردستانێ د بەرژەوەندییا تورکیا دا یە
رێبەرێ زیندانکری یێ پەکەکێ د پەیامەکێ دا ئاماژە دا پەیوه‌ندییێن کورد و تورکان ل دەڤەرێ دا و راگەهاند: پێشکەفتنا باکۆرێ کوردستانێ د بەرژەوەندییا تورکیا دا یە.
پشتی رۆژا چوارشەمبیا بوورى هەردو پارێزەرێن عەبدولا ئۆجەلانی، رەزان ساریجا و نەورۆز ئویسال سەرەدانا رێبەرێ زیندانکری یێ پارتییا کارکەرێن کوردستانێ پەکەکێ، ل زیندانا ئیمرالییێ کری، پەیاما وی بەلاڤ کر.
د په‌یاما ئوجه‌لان دا هاتییە، پێدڤی یە بنەمایێن خەباتا ئالییێن سیاسی یێن کوردی ل تورکیا ڤیان و ژیان بن و وەک حکومەتا تورکیا پەنایێ نەبەنە بەر توندوتیژییێ، لێ هەروەسا دەست ژ گرەڤێن برسیبوونێ و چالاکییێن دی یێن ل دژی وان بنەمایان بەردەن.
ئۆجەلانی د پەیاما خوە دا دەربارەی پرسا کوردی ل تورکیا ژی راگەهاند: دیرۆک و کەتوار دوپات دکەن، کو کورد و تورک پێدڤی هەڤدو نە، پێشکەفتنا کوردان د بەرژەوەندییا دەولەتا تورکیا دا یە.
